Kveldstur til Lundeura

 I helga fekk vi oss ein fin tur opp i Lundeura på Runde.Vi starta ganske seint frå parkeringa på Goksøyr. Turen startar med nokså bratte bakkar, men det er lov å stoppe for å nyte utsikta litt.

Utsikt mot dei ytterste gardane på Goksøyr

Her ser vi både sukkertoppen, Ålesund og Fjellstua. Grasøyane fyr midt i bilete.

Nydeleg kveldslys opp bakkane - både vegar.

Nesten framme. Pustepause og fantastisk utsikt.

Vel oppe i Lundeura var det neste meir folk enn fugl hadde eg nesten sagt. Litt kamp om dei beste plassnane vert det alltids. Folk er stort sett kjekke og greie og det er ein viss rotasjon på kor ein sit, så med litt tolmod kjem ein stadig nærare fuglane. 

 

Dei flokkar seg dei utan venger og....

Alltid kjekt med det første fuglen ein får sjå ordentleg. Lett å ta bilete er det derimot ikkje.....

Nokre kjem sjøvegen for å sjå. Ein kjem ikkje så nære fuglane då, men opplevelsen av hundrevis av figlar som krinsar over hovudet ditt er overveldande! Og i kajakk er dette ekstra magisk!

Litt dokumentasjon må til.

Magisk kveldslys mot Rundebranden

Vi har vore her før så vi gav oss etter ein halvtimes tid. Kald vind og litt småsurt på veg ned att, men sjølv om det vart seint kom vi ned før havtåka la seg som eit teppe over øya. Runde er alltid magisk - uansett vèr og årstid, frå land eller frå sjøen.

Heim att.

Rekognoseringstur

Med en ankel som ikke blir bedre og to golfalbuer med padleforbud er det ikke mye igjen å finne på av aktiviteter. Fridykking bør vel være skånsomt nok? Jeg har tenkt på det lenge, men å dykke alene sitter litt langt inne. Hva om jeg får tøbbel under vann liksom? Og så trenger jeg et sted som både er nærme veg, men heller ikke midt i glaninga til folk og fe. Jeg er ikke sååå glad i oppmerksomhet - i alle fall ikke til en aktivitet jeg ikke behersker så godt. Men etter litt befaring til fots og studering av flyfoto har jeg funnet en spot jeg ville teste.

Søndag og finevær. Det ser OK ut på fjorden. Skal skal ikke......? Etter noen runder med meg selv blir det skal! I allefal skal jeg ta på meg utstyr og kjenne på hvordan det føles når jeg er fremme. 

Fantastisk dag ved dykkespoten. Det hjelper på at ingen andre er der, så jeg bestemmer meg få å gi det et forsøk. Men det er kaldt både i lufta og i vannet.....Om ikke annet kan jeg se på det som vanntilvenning om jeg feiger ut? Bli litt våt og så gå på land igjen liksom. Klar for sjøsetting oppdager jeg sjølsagt at kamera er tomt for batteri. Amatørmessig! Når jeg da endelig hadde mannet meg opp....Uansett - for seint å snu nå.

Litt trøbbel med snorkelen i begynnelsen, men jeg fikser det ganske greitt når jeg bare kobler inn hjernen. Og så sikter jeg meg inn på skjæret midt i bildet øverst her. Og FOR et syn som møter meg under vannet! Kritthvit skjellsand og masse tare av ymse slag (sikkert litt tang også - jeg er ikke god på forskjellen). Jeg ser minst 6 ulike sorter innenfor en radius på et par meter.....og så har jeg ikke kamera.......!!! Lite sjønellik og annet kryp å se, men den tareskogen der altså....! Og på fjære sjø er det ikke spesielt dypt her heller, 2-3 meter på det meste.

Jeg holder meg på innsida av skjæret og utfordrer ikke skjebnen med å undersøke yttersida denne gangen. Men jeg prøver meg på et par dykk. Det går faktisk overraskende greit. Og jeg som bare hadde tenkt å snorkle! 

Jeg måtte jo selvsagt ta bilde etter jeg kom på land for bevisbyrdens skyld. Og ja - jeg tok en dukkert uten våtdrakt helt til slutt også. Det var kaldt, mer er det ikke å si om den saken. Klapp til meg selv på skuldra etterpå og velfortjent pizzarester i solveggen vel hjemme! Her skal jeg definitivt dykke flere ganger! 

 

Solskinnspadling i Ellingsøyfjorden

Så er våren endelig komme til Sunnmøre òg. Det er sol og folket er klare for å padle. Men folket er i denne samanheng ein broket forsamling med diverse skavankar, så krevjande eller lang tur utgår. Sjøl stiller eg med forstuva ankel og to golfalboger, og det er mogeleg det ikkje er nokon god idè med padling sånn eigentleg. Men sol, og sjø freistar meir enn å ta til vèt.

Vi legg ut frå Kvalstein på Ellingsøya og siktar oss inn mot Langøya. Om ein ser bort frå lyden frå biltrafikk og industri som kjem mot oss frå begge sider av fjorden, er det rett idyllisk her ute. Vi snirklar oss langs nordsida først, rundar før vi finn ein fin rasteplass. Godt med ein beinstrekk og kokekaffi. Vi tek oss godt med tid i solvarmen, før vi snur nasen heimover.

Fin tur i godt selskap var det i alle fall :)

Selvågane/Eiksund

I dag fekk eg meg endeleg ein tur ut i kajakk igjen. Været har vore vindfullt og vått i lange tider, men i dag letta det. Turen gjekk frå Eiksund mot Selvågane, over mot Eika og så attende. Vinterleg og vårleg på ein gong, og ikkje så allerværst temperatur heller.Stort sett blikk stille. Berre eg og fuglane utpå.

Fin tur og kjekt å endeleg være på vatnet att :)

Geitenibba (854 moh)

 Sol og fint vær. Gnistrande minusgrader OG pudder. Klart ein må nytte høvet. Og så får ein sjå seg ut eit turmål som er i samsvar med evnene. For dei er ikkje det dei ein gong var. Knea er skranglete og forma elendig. Men ein treng ikkje alltid gå så kvasst eller så longt her på Sunnmøre for å få magiske turopplevingar. Kjekt då med Lene som har eit fint reportoar av ulike turer med ulik vanskeligheitsgrad å plukke frå.

Medan ein heil skokk utstyrt med randonee ski set kursen opp mot Høgsvora, rettar vi blikket mot Geitenibba. Med fjellski. Det treng ikkje alltid være så komplisert. Om kondisen er elendig og lårmuskulaturen er fråværande kjem eg fort inn i min gamle tralt på fjellskia. Kroppen har liksom sitt eige tempo uansett, og eg slit litt med å halde følge med meg sjølv!

Jamt tempo, korte pustepausar og vi kjem oss opp den første, lange stigninga. Lunsj i sola og vurdering av forma. Vi fortsett litt til - om ikkje anna så fram til foten av sjølve Geitenibba. Og den ser jo ikkje så lang ut så joda - vi satsar på toppen!! Dei siste høgdemetrane går tregt. 10 steg og så pause. Nye 10 steg og ny pause. Utsikta får vente. Skituppane er meir interessante akkurat no. Men enedelig - så er vi oppe! Og for ei utsikt! Tinderekke på tinderekke så langt auge kan sjå. Hav, fjord og fjell! Og det aller beste - vi har alt for oss sjølve!

Ned att er ikkje like morosamt. Eg er gåen i beina og har fått krampe i låra i tillegg. Føret er vel heller ikkje optimalt tatt i betraktning ferdigheitsnivået, men ned att må vi. Og helst for eigen maskin. Siste biten ned som eg har gledd meg til vert for meg den mest krevjande. Djup pudder og lite samarbeidsvillige bein er ikkje heilt optimalt. Men eg slepp faktisk å spenne av meg skia som eg frykta. Og ned att kom vi! 

5 fantastiske timar ute i gneistrande vintervær. Slikt gjer godt både for kropp og sjel. Konklusjonen er at fjellski må vi gjere meir av, og at rando-folket som kom etter oss ikkje brukte noko særleg koratre tid ned att enn det vi gjorde! Tusen takk for flott tur Lene!!

Klare for tur. Og sola har akkurat karra seg over fjella på andre sida.

Naudsynt pustepause i bakkane oppover - kondisen er ikkje det den var. Spora er Lene sine frå dagen før.

Velfortent pause. Reine påskestemninga.

Målet i sikte. Den lille til venstre. Den høge midt i bildet er Høgsvora. Ikkje aktuelt på ei stund.....

I skuggenes dal. Greit med ei flate før siste oppstigninga.

Endeleg på toppen! Vi ser heim begge to. Der ute ved havet ein stad.

Sunnmørsalpane er mektige! Og dette er berre eit bittelite utsnitt. For det som utgjer Sunnmørsalpane strekker seg over eit enormt stort område..

Mykje trakk og mykje folk på Høgsvora (i bakkant). Lite på Geitenibba. I grunn heilt OK.

Nedover att. Lene i fin stil!

Aleinenatt i naturen

Årest siste tur gjekk utover stranda frå Alnes. Her har eg sett meg ut ein ny teltplass eg har hatt planar om teste ut ei god stund. Eg har tenkt på kor fint det ville være å ligge her ute åleine og sjå opp på stjernehimmelen. Sitte ved bålet og kose meg glugg ihjel. Men som i livet ellers vert det sjelden slik ein drøymer om.

Eg må vedgå at motet var i ferd med å svikte når kvelden og mørkret kom og tida for avreise nærma seg. Kaldt og hustrig var det der eg parkerte bilen, og brått kjende eg meg mutters åleine. Men dette berre måtte eg gjere. For min eigen del. Og når eg først var komme godt i gang gjekk det i grunn fint. Lykta viser veg og eg har stort sett kontroll på kor eg er til ei kvar tid - utan GPSèn på telefonen, for her er det ikkje dekning. Litt tungt er det, men frosten gjer det trass alt lettare å gå, sjølv om eg må passe på kor eg set føtene for ikkje skli på isen. Og etter ein liten times gange er det på tide å leite opp teltplassen. Og jaudå - eg finn den etter bittelitt fomling.

Men så vart det i grunn slutt på morroa. Vinden er sur, det vert kaldt og bålet gir ikkje den varmen eg treng. Det er rett nok stjerneklart, men eg frys og klarer ikkje heilt å nyte det. Så sit eg der då, åleine og frys medan eg tenkjer attende på året som har gått. På all erfaringa eg gjerne skulle vore forutan, men som likevel har gjort meg sterkare trass alt. Eg sit slik ei tid og synes synd på meg sjølv til det vert så kaldt at det ikkje er råd å sitte ute lenger. Det skal bli godt å krype ned i ein varm pose...

Lettvektsteltet som eg tok for å spare vekt, bles det sjølvsagt tvers gjennom. Eg får ikkje varmen i meg samme kva, og frys meg gjennom det meste av natta. Og som om ikkje det er nok viser det seg at kokeapparatet er kaputt når eg skal til å lage meg frukost og. Ikkje har eg sjokolade på lur heller, dessutan la meg svolten. Og vinden er framleis sur og kald.....Eg skyller ned ein neve tørre havregryn med ein klunk iskaldt vatn, tek nokre bilete, pakkar sakene mine og tuslar meg attende til bilen. Litt slukøra, men ein turerfaring rikare........

 

Adventspadling i Skodje

Vinteren har gjort sin ankomst, og det konstante regnet har endeleg gitt seg. Det har regna og/eller blese i vekesvis, og eg er sånn passe lei. Når det endeleg er opphald OG helg samstundes er det berre å nytte høvet.

Det er fleire år sidan eg har padle ved Skodjebruene, og når det er litt kald sno i ytre strøk, er indre å foretrekke. Murvika i Skodje er no vel eit fint utgangspunkt tenkte vi - kort veg til bruene, skjerma og fint. Tenkte vi. Eg hadde mistanke om at det kanskje ikkje vart så lett i det eg køyrde over brua og såg innover. Is heile vegen. Og jaudå - den låg relativt tjukk utpå viste det seg når vi sjekka. Definitivt ikkje slusj eller mogeleg å padle når relativt stor stein vert liggande att oppå isen når vi testar.

Nuvel. Her var det berre å snu nasen litt utover att, til isfri sone. Berre nokre kilometer lengre ute i fjorde, på andre sida av bruene, var det heilt isfritt og mykje mildare. Frå Stette padlar vi innover mot bruene. Heile poenget med dagens padletur var jo å få padla under dei særs vakre kontruksjonane. Ta nokre flotte bilder å legge ut på Instagram. Om ein berre visste kor eg hadde pakka kamera .....Etter mykje leiting gir eg meg på det, og vi vert einige om at bildedeling etter turen er ein god ting.

Kamera eller ikkje - det er speilblankt og fint innover. Her er det Ingvild som har fotografert meg og Lene.

Gamal (fremst) og ny bru. Den gamle er heilt klart finast! Foto: Lene

Og sjølsagt - sidan eg ikkje har noko kamera - ser vi oter som leikar seg i straumen under bruene. Vi kjem ganske nære og det er artig å sjå på. Men no byrjar eg å få neglesprett. "Har du fiskevottar med deg?" - spør Lene. Nei sjølsagt har eg ikkje det heller. Eg er blitt så urutinert at eg ikkje ein gong tenkte tanken på at eg kom til å bli kald på fingrane, eg kom ikkje på at eg har eit par heller....Men eg får låne av Lene og bergar fingrane til vi finn ein høveleg rasteplass.

Lene tenne opp bål medan eg leiter fram litt gløgg og pepperkaker. Og kva finn eg mens eg styrer på? Kamera sjølsagt....Jaja. Uansett - det er godt med varme frå bål og varmt i kroppen.

Fjorden ligg speilblank også når vi snur nasen heimover. Det er utruleg flott å være ute slik. Vinterpadling er undervurdert. Stilt og fredeleg. Men kaldt på fingrana. Neste gong vert fiskevottane med! Takk for flott tur!