Kajakksurfing i Hoddevika

Gloppen padleklubb inviterte til Surfesymposium i Hoddevika Palmehelga og skulle stille med Ronny, Hallvard og Ashley frå God Tur som instruktørar, og då er vi ikkje seine om å melde oss på! Etterkvart som det nærmar seg avreise og metrologane lovar kuling og snø kjem tvilen sigande, men det får berre være. Fredag kveld loggar 4 representantar frå HKK (Lene, Mildrid, Christer og eg) inn hos Stadt Surfing i lag med 11 andre spente padlarar frå Trøndelag i nord til Stavanger i sør.

Laurdag er det kraftig frålandsvind. Ikkje heilt optimalt altså og eg er litt spent.  Vi deler oss inn i grupper etter nivå og kvar gruppe lagar sitt eige opplegg. I lag med Ronny tek gruppa vår ein diskusjon kring padleteknikk og kva vi ynskjer for dagen. Læring er jo målet og sidan det er lettare å øve seg på teknikk på innsida av dei store bølgene vert vi einige om å halde oss der.

Vi byrjar med sidesurf og er utpå kvar sin tur. Det er kjekt å måle kreftene med bølgene, og det er kjekt å erfare at eg etterkvart meistrar, og når eg attpå til klarer å rulle meg opp att etter ein velt vert eg heilt euforisk! Vinden gjer det ekstra utfordrande og tungt, men det er kjekt fordiom. Etterkvart er det å øve på å styre surfen- det tek litt tid før eg får dreisen på det , men på slutten av dagen går det opp nokre lys. Den største utfordringa er likevel å ha kontroll på seg sjølv og plassere seg i forhold til dei andre på vatnet for å unngå kollisjon. Det er til tider kaos ute på vatnet, og litt færre folk utpå i gongen hadde gjort seg.

Søndag er vêret betre, pålandsvind og gløtt av sol, men bølgene er større....... Eg kjenner det kriblar i magen og tvilen kjem sigande, men då det er berre å hive seg utpå! Det er meir kraft i bølgene i dag og i kombinasjon med ein støl kropp frå dagen før vert eg fort sliten. Eg går rundt fleire gonger, men når eg kolvar der det er djupt nok ruller eg meg opp att. Lukke!!! Etterkvart byrjar eg å få dreisen på styring av surfen, og alt er berre morro!

Gjennomsliten, men lukkeleg avsluttar eg dagen. Ei kjekk helg er over med fantastiske instruktørar, bra opplegg og godt sosialt samvær. Mykje god læring og meistringsfølelse gjer godt for sjølvtiliten. Og endå er det tidleg i padlesesongen!

Eg hadde nok med å halde meg i kajakken og tok lite bilder, men Ronny (Riise) derimot har vore laus på avtrekkaren og deler villig vekk. Litt høg på meg sjølv etter ein smugkikk vert det kanskje litt mykje sjøldigging denne gongen, men skitt au!

Og her eit bitte lite utvalg av Ronny sine flotte bilder:

Christer:

Lene:

Mildrid:

Mildrid og Lene:

...og til slutt ein real dose underteikna.....

Borgundfjordfiske

Kvart år kjem skreien inn i Borgundfjorden for å gyte. Og kvart år har eg kikka ut stoveglaset ned på ein flåte av småbåtar som samlar seg i Aspevågen for å fiske, og tenkt at dette hadde voke kjekt å ta del i. Ikkje at eg har egna fartøy, men eg har jo kajakk.......og kanskje Lene vil bli med....??

Det vil Lene så klart, og vi ordnar oss med stong, harpe og plastbøtte (som passar perfekt i eine luka på Lene sin kajakk) og legg utpå rett etter jobb. Spenninga stig i det vi nærmar oss fiskeflåten, og vi er ikkje heilt einige med oss sjølve om vi faktisk vil ha fisk eller ei. Men vi legg oss til midt i flokken og hiv ut snøret,.......og kjenner pulsen stig eit par hakk når vi ser at dei dreg ombord ein 10+ kg torsk i nabobåten.....Det manglar då heller ikkje på spørsmål frå småbåtane- "He de tenkt på korleis de skal handtere fisken om han bit på?" Vi hadde vel igrunn ikkje det, men så er det jo berre ein måte å finne det ut på......

Heldigvis fekk vi ikkje fisk denne gongen, men morro var det. Berre det å ligge ute i mylderet av småbåtar var ei oppleving i seg sjølv. Og vi er skjønt einige om at vi vert med på neste års Borgundfjordfiske og!

Kjeldsund, Herøy Gard, Flåvær og telt

Meldingane for helga er fenomenale. Eg vil padle og Mildrid vil telte. Med familie og spetakkel er det ein ting som gjeld- 24-timars husmortur. Vi er blitt rett gode på konsepetet og har planen klar: rett frå jobb fredag, legge ut i Kjeldsund, telte på Herøy Gard, padle ut til Flåvær neste dag og returnere til Kjeldsund. Som sagt så gjort.

Vi landar teltplassen med god margin til mørkret, slår leir og kveldar. Det er stjerneklårt og fint. Natta har vore kald og vi vaknar til frost og rim på bakken. Sola renn medan vi et frukost- dette vert ein flott dag! Før dei fleste har fått i seg kaffien er vi på god veg ut til Flåvær. Blikkstille hav, sol og velstand. Passerer Hurtigruta "Lofoten" (framleis i drift mon tru?), og ein flokk niser på vegen, ellers er vi åleine.

Begge har vore på Flåvær fleire gonger før, så vi droppar å gå på land. Snirklar litt rundt, leikar litt og sett nasen attende mot Herøy Gard. Lunsj og sol i naustveggen og så attende til Kjeldsund i rimlig tid. Vi kan fornøgd slå fast at  padlekondisen slett ikkje er så værst til å være tidleg i sesongen og at vi har fått mykje ut av dei siste 24 timane- 32,7 km totalt, fjorpadling, havpadling og telting. Me like :)

Vindpadling i Ulsteinvik

Været har vært elendig i ukesvis, formen har vært elendig, det nærmer seg slutten av februar og deadline for februarulla. Været er fortsatt elendig, men da er det ikke  annet å gjøre enn å trosse værgudene og komme seg utpå fordiom. Yr melder liten storm fra sør på kysten av Sunnmøre, men varselet for Ulsteinvik sier bare 13 m/s, så da skiter jeg i hele stormen og hører om ikke Mildrid vil bli med ut. Det vil hun såklart.

Det blåser friskt og gjør sjøsettingen litt komplisert. Mildrid sklir innunder brygga i det hun holder på å baske seg oppi, og det hele ender nokså vått. Men siden vi likevel regner med å bli våte gjør det ingen ting.

Planen er å padle mot vinden så lenge vi orker, surfe oss tilbake og avslutte med ei rulle. Som sagt så gjort. Det går sakte fremmover, og det er tungt. Svintungt. Jeg må virkelig jobbe med med meg selv for i det hele tatt gidde. Jeg stopper et lite øyeblikk for å ta bilde og vips så ligger jeg på tvers av marsj- og vindretingen. Fader det er tungt å komme i siget igjen....Vi kjemper oss videre fremmover og søker ly i ei båthavn før vi snur og vender tilbake. 

Huhei hvor det går!! Medsjøpadling er gøy og vi gliser bredt i det vi suser inn i småbåthavna igjen. Slitet er glømt og alt har bare vært morro. Rulla går, sjøl om den er elendig, men hva gjør vel det når jeg får applaus i fra gubben som står og ser på i 3. etage? Februarrulle i boks, og vindpadlingen har avekt manglende kondis og fremdriftsteknikk.

Liten videosnutt har jeg laget denne gangen også (se linken under bildene). Jeg er ikke spesielt begeistert for iMovie for tida, så kvaliteten på redigeringa er så som så. Ikke ser jeg noe til hverken vind eller bølger heller, men jeg lover- det var begge deler!

Videosnutt her: Vindpadling i Ulsteinvik