Giske rundt i en Nordkapp LV

Når langtidsvarselet seier regnvær er det berre å komme seg ut å nytte høver når ein kan. Kanskje er dette sommaren for i år. Og Kristin vil bli med! Eg er heldig og får høve til å låne Nordkapp LVen ho har - ein kajakk eg er litt nysgjerrig på.

Det er varm i lufta og vi går for T-skjortepadling. Azurblått hav, stille på sjøen, nydeleg kveld. Giske rundt er den absolutt finaste nærturen eg veit om.

Kristin er klar. Nordkapp LV tv, Nordkapp standard th

Nydeleg!

Litt uvant å padle Nordkappen kjenner eg. Litt treig å få i siget og heilt klart meir kilen enn Playén. Men det går seg til etterkvart. Ideelt sett skulle eg nok hatt ein Nordkapp xLV for den kjennes hakket for stor for meg faktisk. Men den går utruleg mjukt i bølgene og er lett å svinge. I alle fall når det er vindstille. Det kan nok hende den er litt meir stri når det bles, iom at den har bra med spring og dermed er meir vindutsatt enn det Playen er. Men altså - eit knepp mindre og eg trur eg hadde blitt forelska!

Vi har bestemt oss for å nyte kvelden, så vi legg inn ein kaffirast undervegs. Sjølvsagt med utsikt til kveldssola. Kristin toppar det heile med å by på brownies og vi nikosar oss der vi sit!

Berre å nyte finevèret mens det er her!(Foto th:Kristin)

Alt har ein ende. Heim att må vi. Breytande bølger eller ikkje. Det enda nesten i velt - Nordkappen krev heilt klart at ein er litt meir "på" enn Playen.....I alle fall når ein ikkje har begge beina oppi...

Jaudå - vi vart no ganske gode vener mot slutten.

(Foto: Kristin)

Ikkje noko sel som heldt oss med sel(!)skap denne gongen heller, men nydeleg tur og god prat vart det! No kan regnet berre komme (dessutan treng plenen vatn.....). Takk for lånet og takk for turen , Kristin!

Rundt Nautøya

 Strålande meldingar og avtale om ein kort padletur på søndag. Opp og stå sånn passe tidleg, men ikkje for tidleg- kort kik ut vindauge og REGN! Men avtale er avtale og tur vert det. Rundt Nautøya denne gongen, med utgangspunkt Jensholmen. Kort, men fin tur og potensiell teltplass er observert og plotta inn på kartet!

Takk for fin tur i trivelig selskap :)

Tur til Gullura med HKK (Herøy Kajakk Klubb)

Det byrjar å bli nokre år og vondtar sidan eg var aktiv i den lokale padleklubben. Eg treng fleire å padle med, og padleklubb er ein fin stad å starte leitinga. Kanskje kan eg etter kvart bidra litt og, med ein og anna tur. Vi får sjå. Uansett - i dag egla eg meg inn på dagens turleiar for litt praktisk info og innføring i rutiner. Litt meir styr no enn då eg var aktiv i klubben må eg vedgå, men truleg til det betre.

Dagens mål var Gullura via Stokksundet. Eg har padla det meste av området eg bur i, men ikkje akkurat her. Ingen veldig lang tur, men akkurat passe når ein har med born.

Nydeleg vêr, nesten heilt vindstille og sommartemperatur. Men tørrdrakta må på også i dag. Fordelen med det er at terskelen for litt leik og morro vert låg(are). Kanskje.

Stokksundet er ei nydeleg lita perle, Gullura like så. Kaffi og prat. Kjekt å bli kent med nye fjes. Men heim att må ein. Heimvegen fekk juniorane bestemme. Same veg attende! Nydeleg kveldslys og speilblank sjø. Bilprat med ein liten ørsting. Kjekt å sjå padleglede hos den yngre generasjonen.

Avslutningsvis litt leik og morro. Eg drøyere det lenge - vil ikkje, det er kaldt, e er ute av trening.....Men til slutt må eg. Kom eg meg rundt? Nope. Men nesten. Fekk eg til eigenredning. Nope. Men nesten. Eg må vedgå at innsatsen ikkje var heilhjarta her...

Uansett - fin tur i lag med triveleg gjeng. Så får vi sjå om eg tek på meg ein tur eller tur sjølv og etterkvart.