30. mai 2019
16. mai 2019
Kosetur i Kjeldsund
Med sjauing i hage og bortkøyring av hageavfall på agendaen rekna vi med at det ikkje vart så mykje energi att til ambisiøse padleplanar. Då er Kjeldsund eit høveleg alternativ, dessutan er det lenge sidan eg har snirkla meg rundt her. Passe maroder i rygg og armar etter hagearbeid gjorde Ann og eg avtale med Mildrid om å møtast i Kjeldsund søndagen før kirketid.
Eg skal glatt innrømme at Kjeldsund ikkje er min favoritt. Idyllisk - heilt klart - men området er lite og det er begrensa kor langt ein får til å padle sjøl med snirkling. Men i dag var det akkurat dette vi hadde behov for. Å padle inn i mellom og rundt omkring, holmar og viker, grøne grunner, lauv som sprett og kvite toppar. Jaudå - Kjeldsund har absolutt sine kvalitetar.
7 km vart det totalt. Og nett passe til slitne kroppar!
1. mai 2019
Første rulletrening med Play
Det er på tide å bli litt meir kjent med Playen. Dessutan treng eg å komme meg på hesten att- få dreis på eigen - og etter kvart kammeratredning, få på plass rulla, surfe og slike ting. Det er alt for lenge sidan eg har holdt på med slike ting, og eg kjenner at eg saknar det. Og så saknar eg rulle- og tøyseøktene med Mildrid på Osnessanden.
Men ein ting i gongen. I dag er det rulletrening og litt eigenredning som står på programmet. Og Mildrid er sjølvsagt med i Greenlanderen. Det er kaldt i vatnet enno, men det får stå til. Dei første rullene er ikkje spesielt bra, men eg kjem meg opp. Etter kvart går det betre. Playen er heilt klart anleis å rulle enn Romany. Gjort rett skvett Romany opp ganske fort og rulla kjennes meit kontant. Playen er meir jamn, det går seinare, ein må jobbe heile vegen rundt. Til gjengjeld toler Playen at eg gjer feil, eg kjem meg opp uansett - sjøl om eg ikkje kjenner båten så godt enno. På godsida.....Vranga er ei anna historie.
Mens Mildrid held på med grønlandsrullene sine, fortsett eg med litt eigenreding og kanting før vi gir oss. Kortversjonen er at her må det øvast, men det står betre til enn eg tudde. Alt i alt ei veldig fin økt, og eg gler meg til å bli betre kjend med Playen!
Abonner på:
Innlegg (Atom)